Pumalo sa P8.4 milyon ang halaga ng multa na makokolekta ng pamahalaan mula sa mga kolorum na sasakyan.
Ito ay resulta ng pinaigting na Anti-Colorum Operations ng Department of Transportation-Special Action and Intelligence Committee for Transportation (DOTr-SAICT).
Batay sa datos, nasa walong mga colorum na sasakyan ang nahuli ng SAICT simula May 1 hanggang May 15.
Kabilang sa mga nahuli ng SAICT ang mga colorum van, at iba pang pribadong sasakyan.
Nasa P200,000 ang multa sa mga kolorum na van habang P1 milyon ang ipinapataw sa mga kolorum na bus.
Nanawagan naman ang DOTr sa publiko na huwag tangkilikin ang mga kolorum na sasakyan, sa halip ay i-report ito sa DOTr Commuter Hotline na 0920-964-3687. | ulat ni Diane Lear
