Naniniwala si Zambales Representative Jefferson Khonghun na nakararanas ang ating mga kakababayan ng kahirapan.
Ito ang pahayag ng kongresista kasunod ang pahayag ni Presidential Adviser on Poverty Alleviation Atty. Larry Gadon na “haka-haka” lamang ang kahirapan sa bansa.
Sa pulong balitaan sa Kamara, sinabi ni Khonghun na ito ang dahilan kaya pinaiigting ng Marcos Jr. administration ang Bagong Pilipinas Serbisyo Fair upang maiabot sa ating mga kababayan ang tulong ng pamahalaan sa iba’t ibang bahagi ng bansa.
Aniya, sa kasipagan ni Pangulong Ferdinand R. Marcos Jr. at House Speaker Martin Romualdez, pinupuntahan nila ang mga liblib na lugar upang maramdaman ang mga serbisyo ng pamahalaan.
Paraan aniya ito upang bumaba ang bilang ng mga mahihirap sa bansa. | ulat ni Melany Valdoz Reyes
