Para kay Assistant Majority leader Jay Khonghun, panahon nang humingi ng tawad ang Senado partikular si Senator Ronald Dela Rosa kay Pangulong Ferdinand R. Marcos Jr.
Ayon kay Khonghun, hanggang ngayon na nasa ika-4 na pagdinig na ang komite na pinamumunuan ni Dela Rosa patungkol sa PDEA leaks ay hindi naman napatotohanan ng dismissed PDEA agent na si Jonathan Morales ang mga akusasyon nito.
Sabi pa ni Khonghun, ginamit lang ang imbestigasyon ng komite para ipahiya ang presidente. Sinegundahan ito ni Manila Rep. Joel Chua, at sinabi na malinaw na hindi in aid of legislation bagkus ay in aid of election ang layunin ng komite na gusto lang sirain si Pangulong Marcos. | ulat ni Kathleen Forbes
