Pinaliwanag ni Senador Jinggoy Estrada kung bakit niya pinagbigyan na makalaya na mula sa detention sa Senado si dating PDEA agent Jonathan Morales.
Matatandaang si Estrada ang nagmosyon na ma-cite in contempt si Morales dahil sa paulit-ulit na pagsisinungaling sa naging pagdinig ng Senate Committee on Public Order.
Ayon kay Estrada, sa kabila ng pagiging seryoso ng mga isyu na kinakaharap ni Morales sa Senado, partikular ang pagsisinungaling nito under oath sa Committee on Public Order, nagdesisyon siyang ibigay ang consent na mapalaya ito para sa humanitarian considerations.
Paliwanag ng senador, binigyan niya ng konsiderasyon ang kalagayan ni Morales lalo na’t may edad na ito at sa pangangailangan na ring makasama nito ang kanyang pamilya.
Sa huli, binigyang-diin ni Estrada na dapat magsilbing aral na ang pangyayaring ito sa mga susunod na magiging testigo sa Senado.
Na hindi aniya kailanman katanggap-tanggap sa Senado at hindi nila hahayaan ang pagsisinungaling sa mga pagdinig ng Mataas na Kapulungan. | ulat ni Nimfa Mae Asuncion
