Plano ni Senate President Juan Miguel Zubiri na makipag-usap sa telecommunications company para mapalakas ang signal sa Pag-asa Island, at mapabuti ang linya ng komunikasyon sa isla.
Sa naging pagbisita nina Zubiri sa Pag-asa Island, sinabi niyang kakausapin niya ang mga may-ari ng Smart at Globe para magpatayo ng mga pasilidad sa isla.
Binigyang-diin rin ng Senate leader ang kahalagahan ng linya ng komunikasyon at ng internet sa pang araw-araw na pamumuhay, lalo na sa pag-aaral ng mga estudyante sa lugar.
Sinabi rin ni Zubiri, na magdadagdag sila ng budget sa ilalim ng 2025 National Budget para sa pagpapatayo ng telco facilities sa Pag-asa island. | ulat ni Nimfa Asuncion
