Muli na namang aarangkada bukas, Mayo 6, ang pagbibigay ng libreng pneumoniavaccine para sa mga senior citizen ng lungsod Valenzuela.
Sa pagkakataong ito, apat na barangay sa lungsod ang dadayuhin para magbigay ng libreng bakuna.
Simula bukas, Mayo 6 hanggang 10, maghapong isasagawa ang vaccination sa Valenzuela City Peoples Park sa Barangay Karuhatan.
Mula 13 hanggang 17 naman, sunod na isasagawa ang pagbabakuna sa WES Arena sa barangay Punturin, Mayo 20 hanggang 24 sa Polo Park barangay Poblacion.
Huling isasagawa ang pneumonia vaccination sa Valenzuela Peoples Park sa Mayo 27 hanggang 31.
Paalala ng LGU, kailangang may edad 60 taong gulang pataas ang mga senior citizen na magpapaturok ng bakuna at ipatutupad ang first come, first serve.
Kailangan din nilang dalhin ang kanilang Valenzuela OSCA ID, Medical clearance at iba pang requirements. | ulat ni Rey Ferrer
