Inihayag ni Pangulong Ferdinand R. Marcos Jr. na tatlong milyong bagong trabaho ang target na malikha hanggang 2028 o sa pagtatapos ng kanyang termino.
Sa 2024 National Employment Summit, inihayag ng Pangulo na malaki ang magagawa dito ng “Trabaho Para sa Bayan Plan”, na isang 10 year plan na magsisilbing gabay tungo sa paglikha ng mas maraming trabaho.
Binigyang diin rin ng Pangulo, na bukod sa employment generation ay aabutin din aniya ng pamahalaan ang paglikha ng quality jobs kalakip ang paniniguro sa kapakanan ng mga manggagawa.
Palalakasin din sabi ng Pangulo ang upskilling ng mga obrero sa gitna ng tumitinding kumpetisyon sa international market.
Naririyan din aniya ang pamamayagpag ng digital expansion kaya dapat matiyak na nakakahabol dito ang mga manggagawang Pinoy sa pamamagitan ng reskilling at upskilling. | ulat ni Alvin Baltazar
