Upang palakasin ang Rural Bank Strengthening Program (RBSP) nagsagawa ang Bangko Sentral ng Pilipinas (BSP) ng forum nationwide.
Ito ay upang isulong ang digitalization na magpapahusay ng rural bank operation sa bansa.
Paliwanag ni BSP Gov. Eli Remolona, mahalaga na samantalahin ng mga rural bank ang oportunidad at hamon na hatid ng innovation at technology.
Inanunsiyo rin ng BSP chief, ang pag apruba ng Monetary Board sa RBSP Technical Assistance na binubuo ng financial advisory, digitalization,n at capacity building para sa rural banking sector.
Ayon kay Remolona, tinitiyak ng RBSP ang pagbuo ng sistema na susuporta at tutugon sa mga espesyal na kalagayan ng rural banks. |ulat ni Melany Valdoz Reyes
