Ilang kalsada patungong Monumento Circle sa Caloocan ang muling isasara sa mga motorista simula sa June 11 para bigyang daan ang mga aktibidad sa paggunita ng Araw ng Kalayaan.
Sa inilabas na abiso ng Caloocan City LGU, pinapaalalahanan ang mga motorista na kabilang sa isasarado simula 11:00 PM ng June 11, 2024 ang mga sumusunod na kalsada:
- Rizal Avenue corner 10th Avenue (magkabilang bahagi)
- Samson Road corner Lapu-lapu Street (magkabilang bahagi)
- EDSA Southbound Lane (patungo sa Balintawak)
May mga itatalaga namang alternatibong ruta na maaaring madaanan ng mga maapektuhang motorista.
Ayon sa LGU, muli rin namang bubuksan ang mga isinaradong kalsada dakong 11:00 AM ng June 12, 2024. | ulat ni Merry Ann Bastasa
