Posibleng arestuhin nang muli sa Timor Leste si dating Negros Oriental Representative Arnie Teves matapos pagbigyan ang petisyon ng Pilipinas na ma-extradite o maibalik na ito sa bansa.
Ayon kay Justice Undersecretary Raul Varquez, maituturing nang isang undocumented alien si Teves matapos ang naturang desisyon.
Nauna dito, hindi rin pinagbigyan ang kanyang hiling na magkaroon sya ng political asylum sa Timor Leste.
Dahil dito, maaaring maibalik ang dating mambabatas sa kulungan habang ipinoproseso ang extradition laban sa kanya.
Pero sa panig ng kanyang abogado na si Ferdinand Topacio, naghahanda na sila ng apela sa Court of Appeals ng Timor Leste.
Mahaba pa daw ang itatakbo ng kaso kung kayat hindi pa pwedeng ibalik sa Pilipinas ang kanyang kliyente. | ulat ni Michael Rogas
