Tumanggap ang Department of Social Welfare and Development (DSWD) ng donasyong mga filtration kits mula sa isang non-profit organization na Waves For Water (W4W).
Ayon sa DSWD, personal na tinanggap ni DSWD Secretary Rex Gatchalian ang mga donasyon na kinabibilangan ng 10 portable water filtration kits.
May kakayahan ang bawat filtration kit na tanggalin ang cholera, salmonella, E. Coli, at coliform bacteria sa tubig.
Tina-target naman ng DSWD na i-deploy ang portable water filtration system sa mga evacuation center o sa mga komunidad na walang maayos na access sa tubig. | ulat ni Merry Ann Bastasa
📸: DSWD
