Tinatayang abot sa higit ₱6,000,000 halaga ng ilegal na droga ang nasamsam ng mga tauhan ng Bureau of Customs (BOC) at NAIA-PDEA Inter-Agency Drug Interdiction Task Group (IADITG) mula sa 19 na abandonadong parcel sa isang warehouse sa NAIA complex sa lungsod ng Pasay.
Kabilang sa mga nasabat ay 3,702.36 grams ng marijuana o kush na nagkakahalaga ng ₱5,183,304; 577 ml ng hinihinalang marijuana oil na nagkakahalaga ng ₱34,620; at 570 piraso ng Ecstasy tablets na nagkakahalaga ng ₱969,000.
Kabilang din sa naharang ang 850 grams ng dry opium poppy flowers na kasalukuyang inaalam pa ang halaga.
Ang mga nasabing nasamsam na droga ay naiturn-over na sa NAIA-PDEA-IADITG para sa tamang dokumentasyon at disposition. | ulat ni EJ Lazaro
