Napagtibay na ng tourism industry ang mahalagang papel nito bilang haligi ng pag-unlad at ng economic recovery matapos ang pandemya.
Ayon sa Department of Tourism (DOT), ito ay bunsod ng naitalang 6.21 million employment para sa mga Pinoy nitong 2023.
Paliwanag ng DOT, halos makamit nito ang target na 6.3 million employment sa turismo para sa 2028 o apat na taong mas maaga sa target.
Ang naturang mga datos ay base sa pinakahuling Philippine Tourism Satellite Accounts (PTSA) ng Philippine Statistics Authority (PSA). | ulat ni Lorenz Tanjoco
