Malugod na tinanggap ng 8th Infantry Division ang pagdating sa kanilang Headquarters sa Camp Vicente Lucban, Catbalogan City, Samar ng 1st Howitzer Platoon, Bravo Battery, mula sa 7th Field Artillery Battalion (7FAB), ng Army Artillery Regiment (AAR).
Ayon kay 8th ID Commander Major General Camilo Z. Ligayo, ang pagdating ng 1st Howitzer platoon dala ang kanilang mga 155mm M114 Howitzer ay makakatulong sa matagumpay na kampanya ng 8ID at Joint Task Force (JTF) Storm para wakasan ang NPA sa rehiyon.
Pinuri ni MGen. Ligayo ang mga tagumpay ng 1st Howitzer Platoon sa kanilang mga nakalipas na assignment at sinabing ang kanilang pagdating ay magpapalakas sa “firepower” ng 8ID.
Ang 155mm M114 Howitzer ang isa sa pinakamalakas na artillery asset ng Philippine Army. | ulat ni Leo Sarne
