Karagdagang road closure, isasagawa bukas sa Maynila kaugnay naman ng BINI Run

Inanunsyo ng lokal na pamahalaan ng Maynila ang isa pang dagdag na road closure advisory para sa isa pang kaganapan bukas ng umaga sa lungsod.

Sa advisory na inilabas ng Manila Public Information Office, isasara ang mga sumusunod na kalsada mula 12:00 ng hatinggabi hanggang 9:00 ng umaga bukas June 23, araw ng Linggo para sa BINI Fan Run X Move Manila event:

•   Roxas Boulevard, Northbound at Soundbound
•   Katigbak Road
•   South Drive

Ayon pa sa Manila PIO, papayagin din ang mga biker para sa MOVE Manila sa ruta ng Roxas Boulevard mula 7:00 hanggang 9:00 ng uamaga.

Nauna na ring nag-anunsyo ang Manila LGU ng ilan ding road closures para bukas, kaugnay naman sa inagurasyon ng Pasig River Esplanade project malapit sa Manila Post Office.

Pinapayuhan naman ang mga motorista na planuhin ang mga biyahe kung magtutungo sa malapit sa lugar at gumamit ng mga alternatibong ruta.| ulat ni EJ Lazaro