Naglabas na ng anunsyo ang Civil Aviation Authority of the Philippines (CAAP) na lahat ng morning flights mapa-inbound o outbound sa Bacolod-Silay Airport ay kanselado.
Paliwanag ng CAAP, ito ay bunsod ng phreatic explosion ng Kanlaon Volcano.
Base naman sa impormasyong natanggap ng CAAP mula sa mga airline station managers, ang mga afternoon flights ay maari nang makabyahe depende sa sitwasyon o update sa mga aktibidad ng Bulkang Kanlaon.
Naiparating na rin ng mga airlines sa kanilang pasahero hinggil sa estado ng kani-kanilang mga flights. | ulat ni Lorenz Tanjoco
