Ngayong ika-126 na anibersaryo ng Araw ng Kalayaan ng bansa, maghahatid ng Libreng Sakay ang Light Rail Manila Corporation (LRMC) na siyang may hawak ng LRT Line 1.
Mag-uumpisa ang Libreng Sakay ngayong araw, mula alas-7 hanggang alas-9 ng umaga at alas-5 ng hapon hanggang alas-7 ng gabi.
Ito’y upang magbigay ng pagpupugay sa ating mga bayani na nagbuwis ng buhay upang makamit ang kalayaan ng ating bansa.
May ilang programa pa ang pamunuan ng LRMC hinggil sa selebrasyon ng Araw ng Kalayaan. | ulat ni AJ Ignacio
