Tiniyak ng Malabon local government na walang maii-stranded na pasahero sa lungsod sa kabila ng ikakasang panibagong tatlong araw na tigil-pasada ng grupong Manibela.
Sa abiso ng pamahalaang lungsod, naghanda na rin ito ng mga sasakyan na sasaklolo sa mga pasahero simula ngayong araw, June 10 hanggang Miyerkules, June 12.
Simula alas-5 ng umaga ay may naka-deploy nang Libreng Sakay para sa mga maaaring maapektuhan ng transport strike, alinsunod sa pag-apruba ng Metropolitan Manila Development Authority (MMDA).
Naka-monitor naman ang mga kawani ng pamahalaang lokal sa pamumuno ng Public Safety Transportation Management Office (PSTMO) upang masubaybayan ang sitwasyon sa bawat kalsada sa lungsod.
Kung sakaling stranded o walang masakyan, maaaring tumawag sa mga sumusunod na numero:
Central Command and Communications Center
0942-372-9891 / 0919-062-5588 / 8921-6009 / 8921-6029
TXT MJS
0917-689-8657/ 225687. | ulat ni Merry Ann Bastasa
