Ibinida ni Pangulong Ferdinand R. Marcos Jr. ang mga nakalinyang infrastructure project sa Davao region.
Sa distribusyon ng government assistance sa Tagum City, binanggit ng pangulo ang: Mawab Maragusan-CARAGA road, Carmen Tagum City Coastal road, Tagum City Bypass road, at ang Mindanao Railway Project Phase 1.
Bukod pa dito ang itatayong 7-storey na Davao Regional Medical Center sa Apokon, Tagum City, na layong makapaghatid ng dekalidad at maaasahang serbisyong medikal.
At ang mga ginagawang farm-to-market road, na magpapabilis sa transportasyon ng mga produkto mula sa mga sakahan patungong merkado.
“Sa panahon ng tagtuyot at tag-ulan, kaagapay niyo kami sa pagbangon tungo sa mas maunlad na buhay.” — Pangulong Marcos.
Sabi ng pangulo, sa oras na makumpleto na ang infra projects na ito, hindi lamang ginhawa sa biyahe ang mararanasan ng mga residente ng Davao Region.
Bagkus, mararamdaman rin ang mabilis na pagpasok ng kaunlaran sa kanilang lugar.
“Sa inyong suporta, mga dasal, at patuloy na pagkakaisa, matutupad po nating lahat ang ating pangarap para sa Tagum, magtatagumpay tayong maisulong ang malawakang pagbabago sa buong Mindanao at sa buong Pilipinas.” — Pangulong Marcos. | ulat ni Racquel Bayan