Sinimulan na ngayong araw ng Pamahalaang Lungsod ng Navotas ang papamahagi ng graduation incentive para sa mga mag-aaral na nagsipagtapos sa grades 6 at 12 sa mga public school sa Navotas.
Sa abiso ng LGU, ngayong araw hanggang bukas (Hunyo 26-27) ang itinakdang pamamahagi ng cash incentives sa iba’t ibang pampublikong paaralan sa lungsod.
Sa mga kukuha ng incentive, kailangan lamang nilang alamin ang oras, venue, at mga dokumentong kinakailangang dalhin.
Sa ilalim ng programa ng lungsod, makakatanggap ng tig Php 500 ang bawat Grade 6 graduates habang Php 1,000 naman ang matatanggap ng Grade 12 graduates.
Para makuha ang cash incentive, kailangang magpresenta ng photocopy ng kanilang diploma ang mga mag-aaral, identification card, birth o baptismal certificate, at NavoRehistro QR code.
Samantala, kung ang kukuha naman ay ang kanilang representative, kailangang magpakita ito ng authorization letter.| ulat ni Rey Ferrer
