Pinalakas ng Office of the Presidential Adviser for Peace Reconciliation and Unity (OPAPRU) at Western Mindanao Command (Westmincom) ang kanilang kooperasyon sa pagsulong ng Small Arms and Light Weapons (SALW) Program kontra sa loose firearms sa Bangsamoro Autonomous Region in Muslim Mindanao (BARMM).
Ito ang tinalakay sa Brigade Commanders’ Forum on SALW Management Program, sa Cagayan de Oro City noong nakaraang linggo, na inorganisa ng Joint Normalization Committee-Government of the Philippines (JNC-GPH).
Katulong ng pamahalaan sa pagpapatupad ng program ang United Nations Development Programme (UNDP), na sinimulan ang Assistance for Security, Peace, Integration and Recovery for Advancing Human Security in BARMM (ASPIRE) SALW Project noong October 5, 2023, sa Basilan.
Inaasahan itong ipatutupad sa iba pang mga lalawigan ng BARMM sa mga darating na buwan.
Binati naman ni Presidential Peace Adviser Secretary Carlito Galvez Jr. ang pamahalaang panlalawigan ng Basilan sa pagiging magandang ehemplo sa pagpapatupad ng SALW program. | ulat ni Leo Sarne
📸: OPAPRU
