Sisimulan na bukas ng Regional Wage and Productivity Board ang public hearing para sa panukalang dagdag-sweldo sa mga manggagawa ng National Capital Region (NCR).
Ayon kay Secretary Bienvinido Laguesma ng Department of Labor and Employment (DOLE), mayroong isang buwan para maglabas ng desisyon ang Tripartite Board matapos ang kanilang pagdinig.
Posibleng sa July 16, 2024 ay mailalabas na positibong resulta ang Wage Board.
Sa ngayon, nasa ₱610 ang daily minimum wage sa NCR at may mga panukalang itaas ito ng ₱800.
Pero sabi ni Laguesma, may iba pang paraan para itaas ang sweldo ng mga empleyado tulad ng collective bargaining sa pagitan ng mga Labor union at mga kompanya. | ulat ni Mike Rogas
