Magsasagawa ang Technical Education Skills and Development Authority (TESDA) ng Overseas Assessment Program sa mga OFW sa mga bansang Saudi Arabia, Singapore, at UAE.
Ayon kay TESDA Secretary Suharto Mangudadatu, kanilang prayoridad na magkaroon ng maayos na skills training ang mga OFW sa kanilang pinagtatrabahuang bansa.
Saad pa ng Kalihim na katuwang nila ang Department of Migrant Workers sa pagsasagawa ng naturang programa.
Kabilang sa mga alok ng TESDA na assessment program ay ang mga sumusunod: Caregiving NC Il; Massage Therapy NC II; Electrical Installation and Maintenance NC II and III; and PV Systems Installation NC II; Automotive Servicing (Engine Repair) NC II; Automotive Servicing (Electrical Repair) NC II; Events Management Services NC III; and Trainers Methodology Level I.
Kaugnay nito, nasa 1,500 OFWs ang inaasahang sasailalim sa naturang assessment program ng TESDA. | ulat ni AJ Ignacio