Iniulat ng National Disaster Risk Reduction and Management Council na nasa mahigit ₱33 milyon na ang tulong na naipaabot ng pamahalaan sa mga pamilyang naapektuhan ng aktibidad ng Mt. Kanlaon sa Negros Island.
Mula sa nabangggit na halaga, ₱24.2 milyon ang naipagkaloob na tulong sa 4,194 pamilya sa Negros Occidental.
Habang ₱8.8 milyon naman ang naipamahaging tulong ng pamahalaan sa 4,698 pamilya sa Negros Oriental.
Iniulat din ng NDRRMC na mayroon pang 833 pamilya 2,823 indibidwal ang nananatili pa sa limang evacuation centers sa La Castellana sa Negros Occidental. | ulat ni Leo Sarne