Patuloy ang paghahanap ng mga operatiba ng Bureau of Fire Protection (BFP) sa isang lalaking senior citizen na napaulat na nawawala.
Ito’y matapos na pinaniniwalaang ma-trap ang naturang lalaki sa nasusunog nilang tahanan sa Pipino Street, Barangay Tumana, Marikina City.
Batay sa inisyal na ulat mula sa BFP, sumiklab ang sunog alas-2:50 ng madaling araw na umakyat lamang ng unang alarma.
Naapula naman agad ito makalipas ang mahigit isang oras o dakong alas-3:55 ng madaling araw.
Inaalam pa ang sanhi ng sunog gayundin ang pinsalang iniwan nito. | ulat ni Jaymark Dagala
