Itatanghal sa Linggo, July 28, ang static display ng French Air and Space Force (FASF) sa Clark Air Base sa Pampanga.
Tampok sa static display ang dalawang asset ng FASF, kasama ang dalawang asset ng Philippine Air Force (PAF).
Ito ang kauna-unahang pagkakataon na mapapabilang ang Pilipinas sa “stopover” ng taunang FASF mission sa Indo-Pacific Region, na layong ipakita ang “power projection” ng kanilang pwersa-militar.
Inaasahang dadalo sa aktibidad si French Ambassador to the Philippines Marie Fontanel at Department of National Defense Secretary Gilbert Teodoro. | ulat ni Leo Sarne
