Bahagyang tumaas ang presyo ng ilang pangunahing bilihin sa Agora Public Market sa San Juan City ngayong umaga.
Unahin natin sa manok na mula sa dating ₱190, ngayon ay nasa ₱220 na ang presyo ng kada kilo ng whole dressed chicken habang ₱230 naman ang choice cuts.
Sa baboy naman, nasa ₱350 ang presyo ng kada kilo ng kasim mula sa dating ₱320 habang nasa ₱390 ang kada kilo ng liempo.
Hanggang ₱10 naman ang itinaas sa presyo ng kada kilo ng gulay gaya ng talong, sibuyas, at patatas na nasa ₱120 ang kada kilo, bawang nasa ₱150, habang ang luya ay nananatili naman sa ₱300 ang kada kilo.
Tumaas din ng hanggang ₱20 ang kada tray ng itlog na naglalaro sa ₱200 hanggang ₱285 depende sa sukat nito. | ulat ni Jaymark Dagala
