Kinumpirma ng Police Regional Office 9 na umakyat na sa 27 ang bilang ng mga nasaktan sa pagsabog ng mga paputok sa Brgy. Cabatangan sa Zamboanga City.
Batay sa updated na datos kaninang alas-8 ng umaga, umabot na sa anim ang mga sugatang tauhan ng Philippine Marines, habang pitong sibilyan naman na nakatira malapit sa pinangyarihan ng pagsabog ang nadamay.
Kabilang na rito ang dalawang buwang gulang na sanggol, limang taong gulang na batang babae, 11-taong gulang na batang babae, 13-taong gulang na batang babae, 26-taong gulang na babae, 38-taong gulang na babae, at 47-taong gulang na babae.
Dinala na sa Zamboanga City Medical Center ang pitong sibilyan na agad naman ding nakalabas matapos malapatan ng karampatang atensyong medikal.
Habang kasalukuyang inoobserbahan ang mga nasa malubhang kalagayan. | ulat ni Jaymark Dagala
📸: Philippine Emergency Alerts
