Pormal na lumagda sa isang Non-Disclosure Agreement (NDA) ang Department of Transportation (DOTr) at ang software company na TAV Technologies para sa pilot project ng digitalization ng Davao International Airport at General Santos International Airport.
Ang kasunduan ay nilagdaan nina Undersecretary for Aviation and Airports Roberto Lim, Civil Aeronautics Board (CAB) Executive Director Carmelo Arcilla, at Aziz Can Aksoyek ng TAV Technologies.
Ayon sa DOTr, layon ng proyektong ito na gawing digital ang mga operasyon sa nasabing paliparan sa pamamagitan ng pagpapatupad ng Airport Operational Data Base (AODB).
Ang AODB ay isang sistema na naglalaman ng lahat ng impormasyon tungkol sa mga operasyon ng paliparan, kabilang ang mga flight schedules, passenger data, at cargo information.
Sa pamamagitan ng paggamit ng AODB, mas mapapabilis at mapapahusay ang mga serbisyo sa paliparan, at mas magiging madali ang pagsubaybay sa mga operasyon.| ulat ni Diane Lear
