Kapwa lumagda ang Department of Trade and Industry (DTI) at isang pinakamalaking mall operator sa Pilipinas na SM Prime Holdings Incorporated ng Memorardum of Agreement (MOA) para sa pagsuporta sa Micro, Small, and Medium Enterprises (MSMEs) sa bansa.
Ayon kay Trade Secretary Alfredo Pascual layon ng naturang MOA na magkaroon ng market ang bawat MSME, maging ang pagsusulong ng One Town, One Product (OTOP) sa bawat lugar at lalawigan sa Pilipinas.
Dagdag pa ni Pascual na layunin din nito na magkaroon pa ang mga MSME ng mas maraming oportunidad sa kanilang mga produkto na maibenta sa mas malaking merkado gaya ng mga mall.
Sa huli nagpasalamat si Secretary Pascual sa SM Malls sa palagiang pagsuporta sa maliliit na negosyo sa bansa. | ulat ni AJ Ignacio
