Inanunsiyo ng Department of Transportation (DOTr) na tatagal sa August 3 ang kanilang heightened alert sa buong linya ng MRT-3.
Ito ay upang umagapay sa mga pangangailangan ng mga pasahero lalo ang mga mag-aaral na magbabalik-eskwela.
Ayon sa DOTr, mananatili rin ang regular operating hours ng MRT-3 kung saan ang unang biyahe ng tren ay 4:30 AM mula sa North Avenue Station at 5:05 AM naman mula sa Taft Avenue Station.
Habang ang huling biyahe ng tren ay 9:30 PM sa North Avenue Station at 10:09 PM naman sa Taft Avenue Station.
Tiniyak naman ng DOTr na naka-alerto ang mga security at station personnel sa nasabing linya. | ulat ni Diane Lear
