Aminado ang ilang manggagawa sa Ortigas Business District sa Pasig City na nabitin sila ipinasang ₱35 na umento sa arawan nilang suweldo.
Gayunman, ipinagpapasalamat na nila ito dahil kahit paano’y may maipandaragdag na sila sa kanilang gastusin.
Sa pag-iikot ng Radyo Pilipinas, sinabi ng ilang manggagawang nakapanayam na malaking tulong na ang dagdag-suweldo lalo’t kasalukuyan silang nangungupahan ng matutuluyan malapit sa kanilang trabaho.
Kahapon, inanunsyo ng Department of Labor and Employment (DOLE) ang dagdag-suweldo sa mga manggagawa sa Metro Manila.
Mula sa dating ₱610 ay magiging ₱645 ang minimum wage simula ngayong Hulyo. | ulat ni Jaymark Dagala
