May opsyon muli sa mas murang bilihin ang mga residente ng Caloocan sa pagbubukas simula ngayong araw ng Kadiwa ng Pangulo sa lungsod.
Matatagpuan ito sa sa C-Cube Complex, Caloocan City Hall – South, Barangay 103 na bukas mula 7:00 am hanggang 5:00 pm, hangang July 31, 2024.
Hatid ng Kadiwa ng Pangulo sa Caloocan ang mga dekalidad at abot-kayang produkto tulad ng bigas, gulay, prutas, karne, at marami pang iba.
Ayon kay Caloocan Mayor Along Malapitan, ang pagtangkilik sa mga produkto sa Kadiwa ay katumbas rin ng suporta sa mga kababayang magsasaka at negosyante. | ulat ni Merry Ann Bastasa
