Isinulong ng Armed Forces of the Philippines (AFP) ang kooperasyong pandepensa ng Pilipinas at Indonesia sa pamamagitan ng pakikipagpalitan ng kaalaman at “best practices” sa larangan ng “military resilience” at “national security strategy.”
Ito’y sa pagbisita ng 32-miyembrong delegasyon mula sa National Resilience Institute of the Republic of Indonesia (Lemhannas) na pinamunuan ni Air Vice Marshall Hesly Paat sa Camp Aguinaldo kahapon.
Ang Indonesian delegation ay malugod na tinanggap ni AFP Vice Chief of Staff Lt. Gen. Arthur Cordura sa punong tanggapan ng Sandatahang Lakas.
Sa pagpupulong ng mga opisyal, tinalakay ang national defense policies ng dalawang bansa at mga stratehiya kung saan binigyang-diin ang kahalagahan ng pagpapalakas ng regional cooperation.
Ang pagbisita ng Indonesian delegation ay bahagi ng serye ng aktibidad sa ilalim ng
Overseas Strategic Study Program, na layong palawakin ang kaalaman ng mga kalahok sa iba’t ibang pambansang polisiyang ipinatutupad ng mga bansa sa Southeast Asia. | ulat ni Leo Sarne
📸: SSg Amagan and SSg Ambay/PAOAFP
