Nasa mahigit P1 milyon ang halaga ng high-grade marijuana na nasabat ng mga tauhan ng Bureau of Customs (BOC) at NAIA-Inter Agency Drugs Interdiction Task Group (IADITG) mula sa anim na abandonadong parcel sa Central Mail Exchange Center sa Domestic Road, Pasay City.
Ang mga parcel ay nagmula sa iba’t ibang sender mula Amerika na idineklarang naglalaman ng mga damit tulad ng shirts, sweaters, at windbreakers, at naka-consignee sa iba’t ibang indibidwal na residente ng Biñan, Laguna.
Umabot sa 1.026 grams ang nakumpiskang high-grade marijuana o kush, na tinatayang nagkakahalaga ng ₱1,436,400.
Ang mga nasabat na droga ay kasalukuyang nasa pangangalaga ng NAIA-IADITG para sa karagdagang imbestigasyon. | ulat ni Diane Lear
