Nagpatawag ng pulong ngayong araw ang Metropolitan Manila Development Authority (MMDA) para mag-ulat hinggil sa pinakahuling kalagayan ng nasirang navigational gate sa Navotas City.
Isasagawa ang pagpupulong sa punong tanggapan ng MMDA sa Pasig City ganap na alas-10 ng umaga.
Pangungunahan ni MMDA Acting Chairman, Atty. Don Artes ang pulong kasama sina Navotas Mayor John Rey Tiangco, Navotas Representative Toby Tiangco, at Malabon City Mayor Jeanie Sandoval.
Kasama rin sa pulong ang mga kinatawan ng Malabon-Navotas Shipyard Association. | ulat ni Jaymark Dagala
