Muling pinaalalahanan ng Department of Education (DepEd) ang publiko na mahigpit nilang ipinatutupad ang “no collection policy” ngayong panahon ng enrollment sa mga pampublikong paaralan.
Ayon kay DepEd Undersecretary Michael Poa, dapat na walang anumang bayarin na sisingilin sa mga magulang sa pagpapatala ng kanilang mga anak.
Hinikayat din niya ang mga magulang na agad magsumbong sa DepEd kung may maniningil ng anumang bayarin.
Maaari aniyang dumulog sa pinakamalapit na division office, regional office, o sa mismong central office ng DepEd.
Ang enrollment sa mga pampublikong paaralan ay tatagal nang hanggang Hulyo 26, 2024. | ulat ni Diane Lear
