Tiniyak ni Director Jimmy Santiago ng National Bureau of Investigation (NBI) sa Integrated Bar of the Philippines (IBP) na magiging prayoridad ng kanyang liderato ang pagresolba sa mga kaso ng pagpatay sa mga abogado.
Ito ang naging commitment ni Santiago matapos ang courtesy call sa kanya ng mga opisyal ng IBP.
Si Santiago ay isang abogado, piskal at naging huwes bago siya maitalaga ni Pangulong Ferdinand R. Bongbong Marcos Jr. sa NBI.
Bukod sa paglutas sa kaso ng pagpatay, bibigyan din ng NBI ng seguridad ang mga abogado na may matitinding banta sa buhay dahil sa mga kasong hinahawakan.
Kanya ring bibigyan ng pansin ang mga nagpapanggap o mga pekeng abogado na kadalasan ay gumagawa ng mga notarial services na nakakalikha sa pagkasira ng dignidad ng mga lehitimong abogado. | ulat ni Mike Rogas
