Mariing tinutulan ni Manila City Mayor Honey Lacuna ang panukala ni Senador Francis Tolentino na ilipat sa Masungi Georeserve sa Rizal Province ang Manila Zoo.
Ayon sa alkalde, bahagi na ng kasaysayan ng Maynila ang Manila Zoo kung kaya’t hindi sila papayag na alisin ito dito.
Gumagawa na daw sila ng mga kaukulang hakbang upang mapanatili ang kaligtasan ng mga hayop na nasa loob ng Zoo.
Hindi na rin daw matatawag na Manila Zoo kung ito ay ililipat ng ibang lugar.
Sa kanyang mungkahi, sinabi ni Tolentino na mas makabubuti para sa mga hayop na ilagay sila sa kanilang natural habitat tulad ng Masungi Georeserve sa Rizal Province. | ulat ni Mike Rogas
