Nagpasya ang Malacañang na suspindehin ngayong araw ang pasok sa mga tanggapan ng gobyerno at klase sa lahat ng antas sa National Capital Region (NCR) epektibo ngayong alas-5 ng umaga.
Sinabi ni Executive Secretary Lucas Bersamin na ang hakbang ay alinsunod na rin sa rekomendasyon ng National Disaster Risk Reduction and Management Council (NDRRMC).
Ito’y sa gitna na din ng patuloy na pag-ulan na dulot ng habagat at bagyong Carina.
Gayunpaman, magpapatuloy aniya ang operasyon at serbisyo ng mga ahensya na may kinalaman sa pagbibigay ng serbisyong pangkalusugan, at paghahanda o pagtugon sa mga sakuna at kalamidad.
Sa kabilang dakoy nasa pagpapasya na ng kani-kanilang management ang pagsuspinde ng trabaho para sa mga pribadong kompanya. | ulat ni Alvin Baltazar
