Abiso sa mga motorista.
Pansamantalang isasara sa mga motorista sa mga piling oras ang Sapang Liwanag Bridge sa Brgy. San Miguel sa Lungsod ng Pasig simula ngayong araw.
Dahil dito, hindi muna madaraanan ng mga motorista ang naturang tulay na magsisimula sa Dr. Pilapil mula alas-8 ng umaga hanggang alas-5 ng hapon.
Ayon sa Pasig LGU, layon nito na bigyang-daan ang pagtatayo ng double barrel reinforced concrete box culvert at ang road basement sa naturang tulay.
Tatagal ng anim na buwan ang naturang pagawain o hanggang sa January 15 ng susunod na taon.
Dahil dito, pinapayuhan ang mga motoristang maaapektuhan ng naturang proyekto na dumaan na lamang sa Mercedes Avenue o sa iba pang alternatibong ruta upang hindi maabala. | ulat ni Jaymark Dagala
