Nakatakda nang magtungo sa Korea ang nasa 100 Pilipino caregivers na magsisilbing unang batch ng inilunsad na Employment Permit System Pilot Project.
Pinangunahan nila Department of Migrant Workers (DMW) Secretary Hans Leo Cacdac at Korean Ambassador to the Philippines, Lee Sang-Hwa ang send-off ceremony sa mga Pinoy caregivers kahapon.
Ayon sa DMW, ang mga naturang Pinoy ay direktang na-hire ng mga lisensyadong ahensya na accredited naman sa Korean Ministry of Employment and Labor.
Dahil dito, binibigyang garantiya ang mga Pilipino na makatanggap ng pantay na pagtrato at benepisyo na siya namang ibinibigay sa mga manggagawang Koreano. | ulat ni Jaymark Dagala
📸: DMW
