Hawak na ng Department of Social Welfare and Development (DSWD) ang dalawang katao na nailigtas ng mga pulis sa loob ng Kingdom of Jesus Christ compound kahapon.
Ito ang kinumpirma ni Justice Secretary Jesus Crispin Remulla matapos i-turnover ng mga pulis sa DSWD ang dalawang biktima ng human trafficking na nailigtas matapos magsagawa ng paghalughog sa compound ng KOJC sa Davao City.
Hinimok naman niya ang iba pang mga biktima at kanilang mga pamilya na makipag-ugnayan sa mga awtoridad upang malaman kung may iba pang biktima ng trafficking.
Kasabay nito, tiniyak ng kalihim na palalakasin pa ang kolaborasyon sa pagitan ng DOJ, Inter-Agency Council Against Trafficking, Philippine National Police (PNP), DSWD, at iba pang ahensya para matiyak ang airtight cases laban sa mga salarin at bigyan ng hustisya ang kanilang mga biktima. | ulat ni Mike Rogas
