Nagsagawa ang samahan ng mga firearms at ammunition dealer ng kanilang 30th Defense and Shooting Arms Show sa isang convention center sa Pasay.
Ayon kay Association of Firearms and Ammunition Dealers Inc. President Edwin Lim, tatagal ng limang araw ang nasabing event kung saan nasa 40 mga exhibitor ang lalahok para ipakita ang mga makabago at modelong kalibre ng mga baril at paraphernalia nito.
Giit ni Lim, layon ng grupo na isulong ang safe and responsible gun ownership at pagyabungin pa ang sektor ng practical shooting.
Inaasahan namang magiging panauhing pandangal sa pagbubukas ng nabanggit na gunshow sina PNP chief PGen. Rommel Franciso Marbil, Senate President Chiz Escudero at Presidential son Ilocos Norte Rep. Sandro Marcos. | ulat ni Lorenz Tanjoco
