Nagpaalala ang Valenzuela LGU sa mga residente na kasalukuyang umiiral ang 60-Day Price Freeze sa ilang pangunahing bilihin sa lungsod.
Kasunod ito ng pagsailalim ng Valenzuela sa State of Calamity alinsunod sa City Resolution No. 3186-2024.
Nakabatay rin ito sa Section 6 ng Republic Act No. 7581 na nagmamandato ng 60-day price freeze sa mga pangunahing pangangailangan sa mga lugar na nasa State of Calamity.
Hinikayat ng LGU ang mga konsyumer na i-report ang mga retailer na nagbebenta ng mga pangunahing pangangailangan sa mas mataas sa nakatalagang presyo.
Maaaring i-report ito sa LEDIPO Consumer Welfare Unit sa 8352-1000 local 1808 o magpadala ng mensahe sa [email protected]. | ulat ni Merry Ann Bastasa
