Pinangunahan ni Armed Forces of the Philippines (AFP) Chief of Staff General Romeo Brawner Jr. at University of the Philippines (UP) Vice President for Academic Affairs Dr. Leo Cubillan ang paglagda ng isang “Declaration of Cooperation” sa pagitan ng AFP at UP kahapon.
Nakasaad sa “Declaration of Cooperation” ang pagtutulungan ng AFP at UP sa ilang mahahalagang larangan, kabilang ang strategic studies at educational outreach.
Ang “Declaration of Cooperation” ay naayon sa commitment ng AFP na itaguyod ang Pambansang Seguridad, at commitment ng UP sa pagsulong ng academic at social progress.
Ayon kay Gen. Brawner, magandang development ang pagtutulungan ng dalawang institusyon kung saan sinusuportahan ng AFP ang intellectual growth at innovation, kasabay ng pangangalaga sa seguridad ng bansa.
Sa ilalim ng deklarasyon, magtutulungan sa pagsasagawa ng iba’t ibang inisyatiba ang AFP at UP, kabilang ang joint research projects, academic programs, at community engagement activities. | ulat ni Leo Sarne
