Welcome sa Technical Education and Skills Development Authority (TESDA) ang pagkakatalaga ni Pangulong Ferdinand R. Marcos Jr. kay Negros Occidental Representative Jose Francisco “Kiko” Bantug Benitez bilang bagong Director General ahensya.
Sa isang statement sinabi ng TESDA, na nagpapasalamat sila sa ating mahal na Pangulo sa pagpili nito kay Benitez bilang kanilang bagong director general.
Isa kasi anila ang naturang mambabatas na sumusuporta sa mga programa at proyekto ng tangapan sa pagpapalakas ng technical vocational skills training sa bansa.
Dagdag pa ng TESDA, isang malaking tulong ang pagtatalaga nito sa kanilang tangapan.
Nagpapasalamat naman ang buong TESDA family kay outgoing Director General Suharto Mangundadatu sa mga nasimulan nito, sa muling pagpapalakas nito sa mga vocational training course, at nakapag empleyo ng maraming TESDA graduates sa loob at labas ng bansa. | ulat ni AJ Ignacio