Pinaalalahanan ng Department of Foreign Affairs (DFA) ang mga Pinoy seafarers na nananatiling mapanganib sa mga barko ay maglayag sa Red Sea.
Giit ng DFA, lalo pang lumala ang nasabing panganib dahil sa away sa Red Sea, na nagdudulot ng banta sa buhay ng lahat ng Pilipinong tripulante na nagtatrabaho sa naturang lugar.
Dahil dito, hinihikayat ng ahensya ang lahat ng tripulanteng Pilipino, na gamitin ang karapatan ng mga ito na huwag lumayag sa Red Sea.
Pagbibigay-diin pa ng DFA marapat na iwasan ng lahat ng Pilipino ang nasabing rehiyon kung hindi naman sa matinding pangangailangan ang dahilan ng pagpunta sa nabanggit na lugar.
Matatandaang makailang beses nang nabiktima ang mga Pinoy seafarers ng pag-atake ng mga rebeldeng grupo sa iba’t ibang mga barko na naglalayag sa nasabing karagatan. | ulat ni Lorenz Tanjoco
