Panandaliang naantala ang biyahe ng Light Rail Transit (LRT) Line 2 ngayong umaga.
Ito’y matapos magka-aberya sa isa sa mga tren nito partikular na sa bahagi ng J. Ruiz Station.
Dahilan upang itigil muna ang biyahe mula Antipolo Station patungong Recto Station at pabalik.
Gayunman, ayon sa pamunuan ng Light Rail Transit Authority (LRTA), agad ding naisaayos ang nagka-aberyang tren.
Nagresulta naman ito sa pagkaka-istranded ng maraming pasahero ng tren partikular na sa bahagi ng Marcos Highway.
Naging pahirapan ang pagsakay ng mga pasahero lalo’t mabigat din ang nararanasang lagay ng trapiko sa naturang kalsada. | ulat ni Jaymark Dagala
