Ipinaabot ng Bristish Chamber of Commerce (BCCP) of the Philippines ang pagbati sa mga Pilipinong atleta na lumaban sa Paris Olympics.
Sa isang panayam, sinabi ni BCCP Executive Director/Trustee Chris Nelson na maituturing na historic achievement ito ng Pilipinas kung saan nakapag-uwi ng apat na medalya — 2 gold at 2 bronze medals.
Binati rin ni Nelson si double-gold Filipino athlete Carlos Yulo sa kanyang tagumpay at ang iba pang atleta sa kanilang “best performance.”
Kinilala rin ng UK official ang Olympic hosting ng France, aniya nagbunga ang investment nito sa sports.
Dagdag pa nito maituturing na malaking bagay sa mga bansa na mag-invest sa sports gaya aniya ng United Kingdom na patuloy na namumuhunan sa palakasan. | ulat ni Melany Valdoz Reyes
